Sunday, April 17, 2011

കൃഷ്ണനും രാധയും (രണ്ടാം ഭാഗം )

ങ്ങള് ..എന്ത് കുന്താ...നോക്കി നിക്കുന്നത് .!!
ങ്ങോട്ട്‌ വരീന്ന്....

എടീ ..ഭാര്യാ ഭര്‍ത്താക്കന്‍മാരായാല്‍ ഇങ്ങനെ വേണം ജീവിക്കാന്‍ . എന്ത് സന്തോഷത്തിലാ-
അവര് .............. നോക്ക്. ചിരിയും കളിയും .. ഹൌ എനിക്ക് കൊതിയാകുന്നു .

" ന്ന കൊണ്ട് പറയിപ്പിക്കണ്ട ..ഭാര്യയും ഭര്‍ത്താവും ..ഓല് ഭാര്യേം ഭര്‍ത്താവോന്നല്ല "

പിന്നെ ...?

"അതുമ്മളെ ചേനോത്തെ മാധവേട്ടന്റെ ഓളാ....... രാധ .
മാധവേട്ടന് ഇപ്പം തീരെ സുഖല്ല അയ്നകൊണ്ടാണ് ഓളുങ്ങനെ പണിക്കു പോകുന്നത് "

കൃഷ്ണേട്ടന്‍ പിടിച്ചു കൊടുക്കുന്ന പാറകല്ലുകള്‍ രാധേട്ത്തി മുല്ലപ്പൂ കണക്കെ
തലയില്‍ ഏറ്റു വാങ്ങുന്നു .. പകരം തന്റെ മുഖം കൃഷ്ണേട്ടന് ഇന്ട്രസ്റ്റാകും വിധം
കൃഷ്ണേട്ടന്റെ മുഖത്തോട് അടുപ്പിക്കുന്നു ..

അടുക്കളയില്‍ കൃഷ്ണനും രാധയ്ക്കും
ഭക്ഷണം ഒരുക്കുന്ന തിരക്കിലാണ് ഭാര്യ . എനിക്കാണെങ്കില്‍ വിശേഷിച്ച് ഒരു പണിയും ഇല്ല
പാതി തുറന്നിട്ട ജനല്‍ അടയ്ക്കാനൊന്നും ഞാന്‍ പോയില്ല . ഒരു പഴയ മാഗസിനും
കയ്യില്‍ തുറന്നു വെച്ച് ഞാന്‍ ജനലഴികളിലൂടെ കൃഷ്ണ ലീലകള്‍ കണ്ടിരുന്നു .
കൃഷ്നും രാധയും പറയുന്നത് കൃത്യമായി മനസ്സിലാകുന്നില്ല .
ഫാനിന്റെ താളത്തിലുള്ള " കെരെ കെരെ " ശബ്ദം അവസാനിപ്പിച്ച്‌ ചെവി തുറന്നു പിടിച്ചു .

"അല്ലെടീ നിന്റെ കണവന്റെ വലിവിന് വല്ല മെച്ചവുമുണ്ടോ ?"
എവിടെ എത്ര ഡോക്ടര്‍മാരെ കാണിച്ചു ...ഒരു പ്രയോജനവുമില്ല കൊറേ... പൈസ ചെലവായി"

"നിങ്ങള്‍ എന്നും രാത്രി മാധവേട്ടനെ കാണാന്‍ വരുന്നതിനു ആള്‍ക്കാര്‍ അതുമിതും
പറയാന്‍ തുടങ്ങിയിട്ടുണ്ട് ."
ഉം .......

" ...നിന്റെ മോനതാ .... ഓടി കിതച്ചു വരുന്ന് കണവന്‍ അടിച്ചു പോയിന്നാ തോന്നുന്നേ ...!! "

എന്താടാ ........ ?
അമ്മേ ...അച്ഛന് തീരെ സുഖല്ല .. ഇന്ന് ചിലപ്പോ ആസ്പത്രിയില്‍ നിക്കേണ്ടി വരും ..
വലിവ് കൂടി ...
ഉം ....ഞ്ഞി പൊയ്ക്കോ .. ഞാന്‍ ഞാന്‍ കുറച്ചു കൂടി കഴിഞ്ഞിട്ട് അങ്ങ് വര ..

ഇമ്മാസത്തിലിത് ആറാമത്തെ പ്രവശ്യാ... ആസ്പത്രീല്‍ പൊന്നെ ..!!
ന്താക്കാന......?

അല്ല ..നീയും നിക്കണോ ആസ്പത്രീല് ..?
ന്ന കൊണ്ടാവൂല രാത്രി മുഴുവന്‍ ഒറക്ക് ഒഴിഞ്ഞു കുത്തിരിക്കാന്‍ .
പണിക്കു പോകണ്ടത് കൊണ്ട് ഞാന്‍ പോണില്ല ..
കൃഷ്ണേട്ടന്റെ ഉള്ളില്‍ പൂത്തിരി കത്തി ..

ഞാനുറക്കെ പാടി...
രാത്രി ശുഭരാത്രി ............ ഇനിയെന്നും ശിവരാത്രി
ജന്മം........ പുനര്‍ജന്മം നീയെന്നും കാമാക്ഷി
പ്രേമം പുതു പ്രേമം........ നീയെന്നും മണവാട്ടീ ....
രാഗമനുരാഗം ...........നീയെന്നും അനുരാഗി ......
ശുഭം

( സഭ്യതയുടെ അതിര്‍ വരമ്പുകള്‍ ലംഖിച്ചത് മനപൂര്‍വമല്ല .
വിമര്‍ശനം രണ്ടു തരമുണ്ടല്ലോ . ഇവന്റെ ബ്ലോഗ്‌ എങ്ങനെയെങ്കിലും
നശിക്കട്ടെ . ഇവനൊരിക്കലും നന്നാവരുത് . കാരണം ഇങ്ങനെ പ്രതിഭയുള്ള
എഴുത്തുകാര്‍ വരുന്നത് മറ്റുള്ള ബ്ലോഗര്‍മാര്‍ക്ക് വിഷമങ്ങള്‍ ഉണ്ടാക്കിയേക്കാം )

Tuesday, April 5, 2011

ഞാന്‍ നിക്കണോ അതോ പോണോ?

ഹലോ .....പ്രദ്യുമ്നന്‍ അല്ലെ ?
യസ് ........ അതെ ...ആരാണ് .!
ഇത് ഞാനാ ..സുരേന്ദ്രന്‍ ..നമ്മള്‍ ഒന്നിച്ചു കോളെജില്.......!!
ഹമ്മംമോ ...!!! യിതാരാ .. യിതു അല്ല എപ്പോ എത്തി ദോഹയില് .?
ആറേഴു മാസമായി ............
എന്തെ വിളിക്കാഞ്ഞത്‌ .? അതൊക്കെ പോട്ടെ . എവിടെയാ ജോലി .
ദോഹയില്‍ തന്നെ യുള്ള ഒരു കണ്‍സ്ട്രക്ഷന്‍ കമ്പനിയില്‍ ഓഫീസ് സ്റ്റാഫാണ്.
അതിന് കംപ്യൂട്ടറൊക്കെ അറിയണ്ടേ...? നീ കംപ്യൂട്ടറും പഠിച്ചോ?
ഉം..... അതൊക്കെ പഠിയ്ക്കേണ്ടി വന്നു.....
പിന്നെ എന്ത് വിശേഷം ?
സുഖമായി പോകുന്നു .
ഞാന്‍ വിളിച്ചത് ഒരു പ്രത്യേക കാര്യം ചോദിക്കാനാ ..എനിക്കൊരു ബ്ലോഗ് തുടങ്ങണം
അതിനു നീയെന്നെ സഹായിക്കണം ..
ബ്ലോഗ് തുടങ്ങാനോ.........? നീയോ............?
(അങ്ങേ തലക്കല്‍ പ്രദ്യുമ്നന്റെ കൊലച്ചിരി )
പ്രദ്യു ..നിന്റെ ബ്ലോഗ്‌ ഞാന്‍ വായിച്ചിരുന്നു വളരെ നന്നായിട്ടുണ്ട് ..
അത് കണ്ടിട്ട് ആവേശം മൂത്തിട്ടാണെടാ ഞാന്‍ എഴുതാന്‍ വിചാരിച്ചത്.....
(അവന്‍ കുറച്ച് പൊങ്ങി എന്ന് തോന്നുന്നു)
ഓഖെ.....ഓഖെ.....നീ വിചാരിക്കും പോലെ അത്ര എളുപ്പമല്ല ബ്ലോഗെഴുത്ത്.
കുറച്ചു സാഹിത്യാഭിരുചി വേണം നിനക്ക് അതുണ്ട് എന്ന് എനിക്ക് തോന്നുന്നില്ല .

എടാ ..പ്രദ്യു ..ഞാന്‍ നാലു വരി കവിത എഴുതിയിരുന്നു അതൊന്നു ചൊല്ലി കേള്‍പിക്കട്ടെ ..!!
സമയമുണ്ടായിട്ടല്ല... എങ്കിലും നീ എഴുതിയതല്ലേ......കേള്‍ക്കട്ടെ ..ചൊല്ല് ചൊല്ല് ..!!

"ഇനിയും മരിക്കാത്ത ഭൂമി - നിന്നാസന്ന -
മൃതിയില്‍ നിനക്കാത്മശാന്തി !
ഇത് നിന്റെ (എന്‍റെയും ) ചരമ ശുശ്രൂഷയ്ക്ക്
ഹൃദയത്തിലിന്നേ കുറിച്ച ഗീതം .."

പ്ഫ .......ഇതാണോ കഫിത ....ഇതിലെവിടെ താളം?
ഇതിനു വൃത്ത മുണ്ടോ ? ഇതിനു ജീവനുണ്ടോ ?
ഇതൊന്നും ഈ ഭൂലോകത്ത് വിലപ്പോവില്ല പിന്നെ നീ വിചാരിച്ച പോലെ
അത്ര എളുപ്പമല്ല സാഹിത്യരചന . എന്ത് ചവറ് എഴുതിയാലും ആള്‍ക്കാര്‍ വായിക്കും
എന്ന് വിചാരിക്കരുത് ..
ബ്ലോഗെഴുതുന്ന മിക്ക ആളുകളും ഫയങ്കര ( ബ്ലോഗിങ്ങില്‍ ഒരു സ്റ്റേജ് കഴിഞ്ഞാല്‍ "ഭ " " ഫ " ആയി മാറും )
ബുദ്ധിമാന്മാര്‍ ആണ് . പിന്നെ ഞങ്ങളെല്ലാവരും കൂടി "ഗൂഗിളിനു " കൊടുക്കാന്‍ ഒരു ഒപ്പ് ശേഖരണം
നടത്തുന്നുണ്ട് മലയാളത്തില്‍ ഇപ്പോഴുള്ള ബ്ലോഗുകള്‍ മാത്രം നില നിര്‍ത്തിയാല്‍ മതി
പുതിയവ തുടങ്ങാന്‍ വിടരുത് - എന്നും പറഞ്ഞ്....

എന്റെ "തേങ്ങാക്കൊല " നീ വായിച്ചിട്ടുണ്ടോ ?

പിന്നേ ...വായിച്ചു ........ നന്നായിട്ടുണ്ട് ..!!
"പരിപ്പും കുബ്ബൂസും പിന്നെ ഞാനും " വായിച്ചിട്ടുണ്ടോ ?
ഉം ...അതും വായിച്ചു വളരെ നന്നായിട്ടുണ്ട് ..!!
എന്റെ കഥകളും കവിതകളും ഇത്ര നന്നായി വരുന്നതിന്റെ കാരണം മനസ്സിലായിട്ടുണ്ടോ ?
ഇല്ല ..!!
ഞാന്‍ ഒഴിവു സമയം വായനയിലായിരിക്കും . കവിതകളും ,കഥകളും മനസ്സിരുത്തി വായിക്കും
ഓ . എന്‍ . വി . സാറിന്റെ എല്ലാ കവിതകളും എനിക്ക് ഹൃദ്യസ്ഥമാണ്.
ശരി .........ഞാന്‍ പിന്നെ വിളിക്കാം പ്രദ്യു ......ഓക്കേ ...
അല്ല ......നീ വെക്കല്ലേ ........ ഞാന്‍ പറഞ്ഞു കഴിഞ്ഞില്ല ....
മതി ....മതി .....ഞാന്‍ ബ്ലോഗ്‌ തുടങ്ങുന്നില്ല ...പോരെ .....?

ആ അതാ നല്ലത് ....
എന്നാല്‍ ശരി... ഓക്കെ.. ബായ്
ഓക്കെ... ഓക്കെ...
ഒരു ബ്ലോഗ് തുടങ്ങാന്‍ വിചാരിച്ചപ്പോള്‍ ബ്ലോഗ് പുലി കൂട്ടുകാരന്‍ പറയുന്നതിങ്ങനെ..
നിങ്ങള് തന്നെ പറ... ഞാന്‍ നിക്കണോ അതോ പോണോ?
.
( കഥയും കഥാപാത്രങ്ങളും തികച്ചും സാങ്കല്‍പ്പികമല്ല )

Tuesday, March 15, 2011

മാന്യ മഹാ ജനങ്ങളേ....ബൂലോക വാസികളേ, അനുഗ്രഹിക്കൂ ആശിര്‍വദികൂ..........
നിര്‍ഗളമായൊഴുകുന്ന നിങ്ങളുടെ ബൂലോകത്തിലേക്ക് തിരയിളക്കങ്ങള്‍ സൃഷ്ടിക്കാനല്ല
ഈ "ബ്ലോങ്ങന്‍ " വരുന്നത് . എന്‍റെ മനസ്സമാധാനത്തിനും ,സംത്രിപ്തിക്കും വേണ്ടി-
മാത്രമാണ് സ്കൂളിന്റെ പടി ചവിട്ടാത്ത ബ്ലോങ്ങന്‍ ഈ മഹാ കൃത്യത്തിനു മുതിരുന്നത് ..
ധൈര്യ സമേതം തുറന്നോളൂ വായിച്ചോളൂ .....
" കോപ്പി - പേസ്റ്റില്‍ " പെട്ടവനല്ല ഞാന്‍
എന്‍റെ തറവാട് ഏതാന്നറിയോ ?! എന്റു പ്പാക്കും ഉമ്മാക്കും കൂടി ഞങ്ങള്‍ രണ്ടു ആണ്‍ മക്കള്‍
ഉമ്മാമാന്റെ ഭാഷയില്‍ പറഞ്ഞാല്‍ " സ്രാമ്പീല്‍ കെട്ടിയ മൈക്കുപോലെ " .

ഞാനെഴുതിയ ചെറുകഥയുടെ കോപ്പി പ്രശസ്ത സാഹിത്യകാരനും നിരൂപണ വിദഗ്ദ്ധനും
പൂര്‍വ്വോപരി വക്രബുദ്ധിയുള്ളവനുമായ ശ്രീ ... ശ്രീ .........................
ന്
.കാണിച്ചു കൊടുത്തു
ആറാം ക്ലാസ്സിലെ രമ്യ എനിക്ക് തന്ന ലവ് ലെറ്ററിലെ കൈയ്യക്ഷരം പോലെ കഥയുടെ
താഴെ ഭാഗത്തായി അദ്ദേഹം എഴുതി ..........................................
"എഴുതുക വീണ്ടും വീണ്ടും എഴുതുക
പരിഹാസമാകാം പ്രതികരണം
തളരാതെ ....വീണ്ടും എഴുതുക "
പ്രസംഗം എല്ലാം കഴിഞ്ഞ് ഒന്ന് കൂടി ഞാന്‍ തിരുദേഹത്തെ കാണാന്‍ പോയി
എന്നെ അടുത്തേക്ക് വിളിച്ചു ....ഞാന്‍ അഭിമാനത്തോടെ അദ്ധേഹത്തിന്റെ
അടുത്തേക്ക് ചെന്നു. ബീഡി പുക നാറുന്ന വിറയാര്‍ന്ന ചുണ്ടുകള്‍ കൊണ്ടദ്ധേഹം
എന്‍റെ ചെവിയില്‍ പറഞ്ഞു ..
" നിനക്കൊന്നും വേറെ പണിയില്ലിഷ്ടാ ..........ഇതിനൊക്കെ ജന്മനാ ഒരു കഴിവ് വേണം "
ആ മഹാ സാഹിത്യകാരനോടുള്ള അടങ്ങാത്ത രോഷത്തിനു മുന്നില്‍ ഏതു സുനാമി വന്നാലും പിടിച്ചു നില്‍ക്കുന്ന
പ്രവാസികള്‍ ക്കായി ഞാനിതാ നിങ്ങളുടെ തൊട്ടടുത്ത്‌ . പിന്നെ സ്കൂളിന്റെ പടി-
ചവിട്ടിയില്ല എന്ന് പറഞ്ഞത് സത്യമാണ് . അത് ചവിട്ടാന്‍ ഹുസൈന്‍ മാഷ് സമ്മതിക്കില്ല !
" ഞാന്‍ മണ്ടി പാഞ്ഞ് " സ്കൂളിലെത്തുമ്പോഴേക്കും ഒരടക്കം കഴിഞ്ഞിട്ടുണ്ടാവും ..
"നീ അവിടെ തന്നെ നിക്ക് " എന്നും പറഞ്ഞു ഷര്‍ട്ടിന്റെ പിന്നില്‍ ഒളിപ്പിച്ച വടിയെടുത്ത്
ചന്തിക്ക് രണ്ടു പെട പെടക്കും
ഒറ്റമുണ്ട് ഉടുത്ത്‌ നില്‍ക്കുന്നവന്റെ ചന്തിക്ക് പയനിന്റെ വടി കൊണ്ട് അടി കിട്ടിയാല്‍
പടിയല്ല ...സ്കൂളുതന്നെ ചാടി കടന്നു പോകും ...........
ആ ചാട്ടത്തില്‍ ബഹുമാനപ്പെട്ട ഗുരുവന്ദ്യന്‍ എനിക്ക് സമ്മാനിച്ച പേരാണ്
"ഇക്ക് ണാമ്പി " അനുഗ്രഹിക്കുക - ആശീര്‍വദിക്കുക .
മുട്ടയില്‍ ചാവാതെ കാത്തു കൊള്ളണേ എന്ന പ്രാര്‍ത്ഥനയോടെ ...